Udaletxeko talde bat Aparizio auzoan izango da bihar 11:00etan eta Mundo Mejorren, gero 12:30etik aurrera.
Auzobusa zerbitzua hobetzeko asmoz, eta aurretik udalak auzoetan egin dituen bileretan adostu bezala, txartel sozialak egiteko eta bonoak erosteko aukera izango da bihar Aparizio eta Mundo Mejor auzoetan. Udaletxeko lan talde bat gerturatuko da aipatutako auzoetara, 11:00etan eta 12:30ean hala nahi duten bizilagunei txartelak errazteko asmoz.
Txartel soziala 65 urtetik gorako herritarrek, gutxienez %33ko ezgaitasun psikikoa dutenek, mugikortasun arazoak dituztenek edo %65 edo gehiagoko ezgaitasuna duten herritarrek eskura dezakete. Txartel sozial honekin Auzobusa zerbitzua doakoa izango da aipatu diren baldintzak betetzen dituzten herritarrentzat.
Txartelak udaletxean ere bai
Txartela egiteko nortasun agiria aurkeztu beharko da, eta behin eskaera eginda txartela eta Auzobusaren ordutegia bidaliko da etxera posta bidez. Txartel sozialik ez dagokien herritarrek aldiz, 10 bidaiako txartelak erosi ahal izango dituzte 3 eurotan.
Aipatutako txartelak Aparizion eta Mundo Mejorren eskuratzeko aukera izango da bihar, baita urte osoan zehar udaletxean bertan ere. Ekimen honek udalak auzoko bileretan hartutako konpromisoak betetzeko helburua du.
