Aurten harrera bikaina izan duen lehiaketan emozioa azken unera arte mantendu da antolatzaileen esanetan.
Naroa Alonsok, Oihana Pastrianek eta Lorea Arbuluk osatutako Kat taldeak irabazi du aurtengo Mingainluze lehiaketa. Antolatzaileek esan dutenez, «final estu eta borrokatua» izan da edizio honetakoa eta «emozioa azken unera arte» mantendu dute talde parte hartzaileek. Azkeneko ariketa, Zer da zer izenekoa «erabakiorra» izan da. Izan ere, talde irabazleak saio osoan zehar puntu gutxi batzea lortu bazuen ere «amaierako ariketan gora egitea lortu eta lehiaketa irabaztea» lortu dute.
Igandean jokatu zen Mingainluze lehiaketaren finala Urretxuko Labeaga aretoan. Guztira zortzi dira aurten euren indarrak azken saio honetan neurtu behar izan dituzten taldeak, «kanporaketetan aurrera egitea lortu duten taldeak», hain zuzen.
Zortzi talde lehian finalean
Talde irabazleaz gainera ondo hauek aritu ziren igandeko finalean: Aupa gu 2 (Mikel Cruz, Markel Lazaro, Aitzol Uli), Las plus (Ane Emparanza, Maddi Urbizu, Izaro Torres), Triku (Maddi Agirrebengoa, Pello Biain, Marta Ibarzabal), Sexinbolak (Iñaki Mendiluce, Ander Viedma, Luken Uribesalgo), Winner girls (Eider Rueda, Nalaya Sedano, Joane Fabián), Explosion (Malen Badiola, Brandy Peñagarikano, Iune Gurrutxaga), eta Zer da zer? (Nerea Rico, Maialen Lapizondo, Arritxu Etxeberria).
Finaleko lehia estuaren ondoren, Zer da zer? taldearentzat izan da bigarren postua eta Trikurentzat hirugarrena. Hain zuzen, Triku eta Aupa gu 2 taldeak aritu ziren saio osoan zehar sailkapenaren buruan, baina aurretik esan bezala, azkeneko ariketak ustekabeko iraulia eman zion lehiaketari. «Emozioa izan genuen amaierara arte eta bukaera oso polita izan da Mingainluzerentzat», esan dute antolatzaileek.
