Jon Plazaola (Urretxu, 1982) aurpegi ezaguna da gure artean. Umoredun bakarrizketak eskaintzen egin zen ezagun, McCrea jatorri irlandarreko urretxuarraren eskutik orain hamabi urte. Hortik telebistara saltoa etorri zen gero, eta bertan aktore, aurkezle, zuzendari eta gidoilari lanetan aritu da.
Dioenez, idaztea beti izan du gustuko eta gidoigintzan sakontzeko Madrilen ikasketak osatu zituen telebistako esperientziaren ondotik. Bihar, Que nadie se mueva idatzi duen lehendabiziko antzezlan luzea eskainiko du Zumarraga eta Urretxuko antzerki denboraldia irekitzeko. Zelai Ariztin izango da, 22:30ean.
‘Que nadie se mueva’ antzezlana aurkeztuko duzu bihar Zumarragako Zelai Ariztin.
Herrira antzezlana ekartzeak ilusio berezia egiten dit. Urduri jarri baino, gehiago motibatzen nauela esango nuke. Are gehiago, taldeko gainontzeko kideei ere motibazio hori transmititzen saiatzen naiz. Asteburu berezia izango da, taldeko gainontzeko kideak kanpotarrak izanda, horrenbestetan hitz egin diedan nire herria eta ingurua erakusteko ere aprobetxatuko dudalako.
Aktore bezala parte hartuko duzun lehenengo aldia ere izango da zuretzat.
Bai. Nahiz eta antzezlana aurretik estreinatuta egon, aktore bezala arituko naizen lehenengo aldia izango da. Ertzainaren paperean arituko naiz. Gainontzean, cover moduan egoten naiz, hau da, ordezko bezala. Hala ere, herrian izanda, ni aktore bezala aritzeko ere eskatu zidaten, eta egia esan, ilusio berezia egiten dit. Gainera, aurretik ere denon aurrean tontoarena eginda nagoenez…
Elkarrizketa osorik irakurtzeko aukera, bihar Goierriko Hitzan.
