Apirilaren 6an haurren duatloia egingo dute Urretxuko eta Zumarragako kaleetan. I. Duatloia Txikia izena jarri diote, eta 2000 urtetik 2003 urte bitartera jaiotako haurrek parte hartu ahal izango dute. Areizaga-Kalebarren plazatik aterako dira 11:00etan, eta lehenengo itzulian 750 metro bete beharko dituzte korrika, bigarren itzulian 2 kilometro bizikletan eta hirugarrenean 450 metro korrika. Izena eskoletan eman daiteke.
Proba Urola Triatloi taldeak antolatu du. Egun berean Euskal Herriko Taldeko duatloia egitekoak ziren, baina zirkulazioarekin eta ibilbidearekin lotutako arazoak tarteko ez da egingo.
