Datorren astelehenetik aurrera XII. Kultur Astea ospatuko dute Zumarragako jubilatuek. Gure Txoko jubilatuen egoitzan zein El Salvador gizarte zentroan egingo dituzten ekintzez gain, beste zenbait ikuskizun eta emanaldi egingo dituzte Zelai Arizti aretoan.
Kultur Astearen egitarauak ez dakar aldaketa eta berrikuntza handirik, eta urteroko eskemari heldu diote. Bingo bereziak egingo dituzte Gure Txokon eta El Salvadorren; hori da ekintza guztien artean arrakasta gehien izan ohi duena. Horrez gain, hitzaldiak eta ikuskizunak egongo dira. Aurten Gernikako (Bizkaia) kideen bisita izango dute, eta hango koruak emanaldia eskainiko du.
Lanak egoitzan
Zumarragako Udalaren Irisgarritasun Planaren baitan Gure Txoko berritzen hasiko dira urtea amaitu baino lehen eta 2015eko hasieran. Egoitza irisgarriago egin nahi dute, eta espazioen banaketa ere aldatzeko asmoa daukate. Berrikuntza lanak, planaren arabera, 2016rako amaituta egongo dira.
EGITARAUA
- Apirilak 7, astelehena. Osasuna eta Gurutze Gorria hitzaldia. Hizlaria: Enrique Samaniego doktorea. Zelai Arizti kultur etxea, 18:00.
- Apirilak 8, asteartea. Bingo berezia. El Salvador gizarte etxean, 17:00etan.
- Apirilak 9, asteazkena. Apeles y el tio Juanillo antzezlana. Zelai Arizti aretoan, 19:00etan.
- Apirilak 10, osteguna. Gernikako abesbatza eta antzerkia Goizalde abesbatzarekin batera. Zelai Arizti aretoan, 18:00etan.
- Apirilak 8, asteartea. Bingo berezia. Gure Txoko jubilatuen egoitzan, 18:00etan.
- Apirilak 12, larunbata. Antzerkia eta joteroen, sevillana taldearen eta beste dantza taldeen emanaldiak. Zelai Arizti aretoan, 12:00etan.
- Apirilak 13, igandea. Areto dantzen ikuskizuna eta kontzertua Zelai Arizti aretoan, 12:30; dantzaldia El Salvador gizarte zentroan, 18:30; dantza txapelketa El Salvador gizarte zentroan, 19:30.
