Gaur Urretxuko Aldiri kiroldegian Kirol Jaia egiten ari dira Legazpiko, Urretxuko eta Zumarragako eskoletako ikasleak. Goizean ikasturtean zehar eskola kirolean aritu diren 500 ume inguru elkartuko dira mailaz maila. Orain lehen hezkuntzako bosgarren eta seigarren mailako ikasleak ari dira jolasten. Ikasturteari amaiera emango diote, eta astero-astero egin dituzten entrenamenduak bukatutzat emango dituzte. Areto futbola, saskibaloia, eskubaloia, herri kirolak, atletismoa eta pilota landu dituzte besteak beste. Festa Lizeoan egitekoak ziren baina eguraldi txarrak behartuta Aldirin ari dira.
