Urretxuko Jai batzordeak bilera egin zuen asteartean. Herritarrek musika taldeak proposatu zituzten eta astearteko bileran lehen aukeraketa egin zuten. Urretxuarrek urretxubiziz.com atarian eta buzoietan gustuko taldeen aldeko bozka eman dezakete asteartea bitartean. Hauek dira aukeratutako taldeak: AFU, Banda Jachis, Belako, Fan&Go, Sukar, Dj Tirapu, Gose, Egan, Las Tuerkas, Urtz, Bide Batez, Ingo al deu?, Obaneuke eta Guri5. Oraingoz, Belako, Gose eta Ingo al deu? taldeek jaso dute boto gehien webean.
Bestalde, asteartea bitartean herritarrek pregoilariak proposatu ditzakete udaletxean. Aipatu, bestalde, egitarauaren azala aukeratzeko lehiaketara 15 lan aurkeztu dituztela eta astelehenean hasiko den karroza ikastaroan lau taldek eman dutela izena. Jai batzordearen hurrengo bilera asteartean izango da: 19:00etan, kultur etxean. Musika taldeak aukeratuko dituzte eta pregoilariaz hitz egingo dute.
