Urretxuko Udalak lehiaketa antolatu du Iparragirre kaleko arkupea apaintzeko eta Ibon Elgarrestak aurkeztutako proposamena izan da aukeratua. Zutabeak koloretako sokez inguratuko dituzte eta goialdea beltzez margotuko dute. Maite Arboniesek eta Amaia Cidek ere lehiaketan parte hartu dute eta eurek proposatutako lana kultur etxeko sarrera berriaren parean dagoen orman egingo dute. Bi neska hauen murala auzolanean egingo dute eta birziklatutako azulejoak erabiliko dituzte.
