Kalebarrengo aparkalekua kontzertu gune bilakatuko dute Mutamu kolektiboko kideek larunbatean. Txosna jarriko dute bertan, eta 18:00etatik gaueko ordu txikietara arte hainbat talderen kontzertuekin gozatu ahal izango da etenik gabe kasik; eten bakarra afaltzeko egingo dute. Kalebarrengo karpa azpian joko duten sei taldeetako hiru Urretxuko eta Zumarragako musikariek osatutakoak dira; litekeena da bertako laugarren talde batek ere parte hartzea. Besteak gertuko taldeak dira, Beasaingo bat eta Zarauzko beste bat, hain justu.
GHe!! Zurre Fest!
Egitaraua
- 18:00. Adiktos al kaos (Urretxu-Zumarraga). Dar Rider (Urretxu-Zumarraga). Libe talde gasteiztarraren ordez zehaztu gabeko bertako talde batek joko du.
- 23:00. Devon (Beasain), The Brutal (Zarautz) eta Godsuck (Urretxu-Zumarraga).
