Irekiera atzo egin ondoren, gaur ia egun osoan egongo da zabalik Urretxuko Garagardo Azoka, Lurra dantza taldeak antolatuta. Ederrena pilotalekuan atondu dute garagardo edanleku handia, bazkaltzeko edo afaltzeko mahai ugari ere jarrita. Denera 22 garagardo mota edateko aukera dago, mota eta jatorri askotakoak.
Lurra dantza taldeak 2015ean beteko ditu sortu zuteneko 50. urteurrena. Urtebete barru, datorren urteko urrian, ospatuko dute mende erdia. Urteurreneko ekitaldiez gain, ohiko gainontzeko jarduerak babasteko diru iturri izateko antolatu dute garagardo festa.
