Urretxu eta Zumarragako musika taldeek hainbat kalejira eta emanaldi eskainiko dituzte Santa Zezilia ospatzeko. Ostegunean, 17:30ean, musika eskolako ikasleek kalejira egingo dute. Larunbatean, berriz, lau kalejira eta kontzertu bat egongo dira. 11:30ean dultzaineroek eta Iparragirre Balerdi musika tailerrekoek joko dute herriko kaleetan, 12:00etan musika eskolako trikitilariek eta 19:00etan Antzinako Ama eta Lizarriturri txistulariek eta Goiargi abesbatzak, alde batetik, eta Zumarragako musika bandak, bestetik. Ordu berean, musika eskolako Big Band ikasleek kontzertua egingo dute Areizaga-Kalebarrenen.
