Pilota jaialdia 15:30ean hasiko da eta gerturatzen direnek sei partida ikusteko aukera edukiko dute. Hiru partida lehen mailako txapelketakoak izango dira: Perez eta Mendizabal, Araiztegi eta Senperenaren aurka arituko dira; Garmendia eta Huizi, Goikoetxea eta Pagolaren aurka; eta Murua eta Arrieta, Irazustabarrena eta Mendizabalen aurka. Bigarren mailako txapelketako partidei dagokienez, Tijero eta Arrillagak Otaegi eta Arriolarekin neurtuko dituzte indarrak, Aizpurua eta Gabirondok Indo eta Errastirekin eta Gutierrez eta Eizmendik Arruti eta Beldarrainekin.
