Urola futbol taldeko kromo bildumaren aurkezpena abenduaren 9an egingo dute Areizaga-Kalebarren plazan. Aurkezpen berezia prestatu du Urolak klubeko 369 jokalariak, entrenatzaileak eta zuzendaritza taldeko kideak batu dituen albuma aurkezteko. Eibarko eta Realeko bina jokalari izango dira bertan eta lehenengo albumak banatuko dituzte Urolako jokalaraien artean. Banaketa nahi bezain ondo egiteko jokalariei taldeko elastikoa jantzita eramatea eskatu diete. Aurrerago jokalari ez direnek ere eskuratu ahal izango dute. Kromoak bi egunen buruan, abenduaren 11n, salgai jarriko dituzte Urretxuko eta Zumarragako sei salmenta puntutan: Golo disk, Urki, Aitxu, Osogoxo, Goxogi eta Frutos Secos. Kromo zorro bakoitzean zazpi ale egongo dira eta bildumak, guztira, 437 kromo hartuko ditu. 550 bilduma kaleratuko dituzte.
