Zumarragako Antxiñako Ama txistulari taldearen aurtengo jardunak goia joko du larunbatean, 19:30etik aurrera, Beloki frontoian egingo duten kontzertuan. Ez dira bakarrik egongo, bidelagun ugari izango dituzte taula gainean. Aurtengoan, Taupadak izenburua jarri diote emanaldiari. Taupada horien jiran Mariaje Arratibel Antxiñako Ama taldeko kide eta zuzendariaren esanetan, «taupada azkarrak zein mantsoak, motzak nahiz luzeak bilduko ditugu. Jakina, norberak bere taupada eramango du; bakarra, errepikatzen ez dena, alegia».
