Gabon gauean egin zuten zozketa Areizaga-Kalebarren plazan. Arkumea, bi legatz, ardoa eta txanpaina saskia irabazi ditu zenbakia duenak. Saria jasotzeko 680 16 30 19 telefonora deitu dezake. Ez zuten, baina, zozketa bakarrik egin. Biribil bat osatuta, preso politikoen aldeko elkarretaratzea egin zuten kandelak eskuetan. Aurretik, arkupetan jarritako mahaitxoan Urretxuko eta Zumarragako presoek egindako eskulanak salgai ipini zituzten. Etzi ere elkarretaratzea egingo dute 19:30ean Areizaga-Kalebarren, eta aurretik eskulanak erosteko aukera izango da.
Bide batez, antolatzaileek eskerrak eman nahi dizkiete zozketaren bitartez beren elkartasuna agertu duten guztiei. Urtarrilaren 11n Bilbon Sarek deitutako manifestaziora joateko txartelak, bestalde, ohiko tokietan salgai egongo direla ere jakinarazi dute.
