Etzi hastekoa da zineklub ziklo berria Zumarragan, eta Butak21 zineklub taldeak iragarritako filmaren emanaldia bertan behera geratu da ezinbestean. Julen Arakama taldeko kidearen hitzetan, “dirudienez, Boyhood filmak jasotako sariak eta izendapenak direla eta, banatzaileek ematea galarazi digute”. Ezingo dute film hori eman, baina emanaldia egongo da. Hain zuzen, filmen hautaketa egiterakoan zerrendan sartu, baina azkenean erori zen Interestelar filma emango dute.
