Pello Biain (Zumarraga, 1962) filosofia irakasleak bikaintasun ikastaroa egiten du Ugle lanbide eskolan. Ikastaroari buruzko azalpenak eman ditu Goierriko Hitzak bihar publikatuko duen elkarrizketan. “Bikaintasuna ez da perfekzionismoa”, dio Biainek eta bide horretatik ikastaroan aletzen dituzten balioak zein bertuteak zehaztu ditu: zintzotasuna, ontasuna edo erantzukinzuna, adibidez. Elkarrizketan bizitzari begiratzeko era bati buruz ari da Biain; hain zuzen, nor bere buruarekin gustura egotea ardatz duen bizimoduari buruz. Ez da, halere, diskurtso berria. Antzinako Greziako filosofoek, orduan ere, balio eta bertute berberen inguruan aritu baitziren.
Elkarrizketa bihar, Goierriko Hitzan
