ESIak antolatutako haur marrazki lehiaketako sariak banatuko dituzte, datorren larunbatean, 11:00etan, Zumarragako Zelai Arizti aretoan. Lehiaketan Ataun, Beasain, Gabiria, Lazkao, Legazpi, Urretxu, Zumarraga eta Azpeitiako zenbait ikastetxeetako haurrek parte hartu dute. Hain zuzen, LHko laugarren mailako ikasleek bidali dituzte beren lanak; guztira, 218 marrazki.
Larunbateko ekitaldian lehiaketako lehenengo saria Haztegi Ikastolako (Legazpi) Maialen Osinaldek jasoko du Alai eta goxo barruan eta kanpoan lanagatik. Bigarren saria Joxemiel Barandiaran (Ataun) ikastetxeko Onintza Sukiari emango diote, Eskerrik asko horren ondo zaintzen nauzuelako lanagatik.
