Gaur goizen Z-Z bizikleta martxa egin dute, Goierri kirol elkarteak antolatuta. Eguraldi kaxkarra egin badu ere, 243 lagunek parte hartu dute: 18 urtetik gorakoak 108 izan dira, 10 eta 18 urte bitartekoak 57 eta 10 urtetik beherakoak 78. Urretxukoak 117 izan dira eta Zumarragakoak beste horrenbeste. Ezkio-Itsasoko sei bizilagunek, Zaldibiako bik eta Legazpiko batek ere parte hartu dute. Hamabost lagun Lasaora joan dira eta gainontzekoek Azkoitin edo Aizpurutxon eman dute buelta. Helmugan pastak eta txorizo egosia zituzten zain.
