Azken urteetan Urretxu eta Zumarragako ikastetxeak bakoitza bere aldetik atera dira Gabon egunean. Aurten, ordea, Gainzuri eta La Salle-Legazpi ikastetxea elkarrekin aterako dira. Hala, bi ikastetxe hauetako ikasle, irakasle eta gurasoek elkarrekin abestuko dituzte Gabon kantak.
Bi ikastetxeek abestiak eta ibilbidea adostu dituzte. 11:00etan aterako dira, Gainzurikoak Iparragirre plazatik eta La Salle-Legazpikoak ikastetxetik. 11:30ean Areizaga-Kalebarren plazan elkartuko dira eta ondoren herriari buelta emango diote. Zumarragako plazan, Txindoki kafetegiko plazan eta Domingo de Mendiaratz plazan geldialdiak egingo dituzte.
