Abenduaren 31ko arratsaldean Urretxu eta Zumarragako lehen San Silbestre lasterketa egin zuten. 390 lagunek parte hartu zuten. Gizonezkoen artean, Gaizka Romero legazpiarra nagusitu zen. Bigarrena Jon Otermin izan zen eta hirugarrena Asier Aranburu. Lehen emakumezkoa Ana Azkona izan zen, bigarrena Amaia Azkona eta hirugarrena Maria Isabel Nuñez. Hirurak herrikoak dira. Bikoteka ere korrika egin zuten. Lehen postuan Ainara Gonzalez eta Oier Diaz de Espada sailkatu ziren, bigarrenean Ainhoa Lasa eta Javi Cuñado eta hirugarrenean Karen Ortiz de Guinea eta Javier Delgado. Azken hauek donostiarrak dira. Lasterketa hasi aurretik, 2015ean hildako bi korrikalari omendu zituzten: Roberto Larraza eta Jose Manuel Benitez.
Lasterketan Carlos Mediavillak hartutako irudiekin argazki galeria osatu dugu.
