Mikel Serrano Zumarragako alkateak herriko mapa berria aurkeztu du gaur. Bertan, herriko kale, bide, eraikin, lorategi, auzo, baserri, mendi eta erreka guztiak ageri dira. Baita herriko zerbitzuak ere: udaletxea, turismo bulegoa, kultur etxea, kirol instalazioak, postetxea, ospitalea, anbulategia, farmaziak…
Mapa toponimikoak 1:8.000 eskala du, kale izendegiak 1:4.000 eskala eta ortoargazkiak 1:12.500 eskala. 4.000 mapa argitaratu dituzte eta udaletxean eta turismo bulegoan eskura daitezke. Horretaz gain, geo.euskadi.eus webgunean jarri dute. Alkateak turistek eta mendizaleek oso gustura hartzen dituztela esan du eta mapa egiten lagundu duten guztiei eskerrak eman dizkie.
