Zumarragako ospitaleko aparkaleku txikia (Argixao eta Bidaurreta auzoen ondoan dagoena) datorren astean irekiko dute. Asfaltatze lanak gaur bertan bukatuko dituzte eta ondoren pintaketa lanak egingo dituzte. Aparkaleku honek 100 autoentzako tokia izango du. Orain arte lursail hori autoak aparkatzeko erabiltzen zen, baina asfaltatu eta markatu gabe zegoen. Ospitalearen goialdean beste aparkaleku bat egiten ari dira. Horrek 250 autoentzako tokia izango du. Beste hau ez dute irekiko oraindik, lanak nekezagoak baitira. Udaberrian inauguratuko dute. Bi aparkaleku hauek Eusko Jaurlaritzaren diru-laguntzarekin egiten ari dira. Aurrekontua 750.000 eurokoa da.
