Gaur arratsaldean Goñiren omenezko txapelketako partidak jokatu dituzte Beloki pilotalekuan. Lehen partidan, lau t’erdikoan, Alberdik 22 eta 7 irabazi dio Medinari. Alberdik Iraitz Zubizarreta ataundarraren aurka jokatuko du finalerdietan.
Bigarren partidan, Urretabizkaia eta Martinezek 22 eta 17 irabazi diete Mendinueta eta Arratibeli. Final laurdenetako hirugarren jaialdia datorren asteazkenean izango da, 18:30ean. Lau t’erdian, Elizaldek Arangurenen aurka jokatuko du. Binakako partidari dagokionez, Errandonea eta Gorrotxategik Elezkano eta Olaizolaren aurka jokatuko dute.
