Gaur, 18:30ean, Goñiren omenezko pilota txapelketako finalerdietako lehen partidak jokatuko dituzte Zumarragako Beloki pilotalekuan. Lau t’erdiko partidan Zubizarreta ataundarrak Alberdiren aurka jokatuko du. Binakakoan, berriz, Urbieta eta Erasunek Urretabizkaia eta Martinezen aurka jokatuko dute. Goñi txapelketako partiden aurretik, pilota txapelketa herrikoiko lehen finalerdia jokatuko da. Urretabizkaia eta Pueyok Mendikute eta Erostarberen aurka jokatuko dute. Sarrera doan izango da eta saski baten zozketarako txartelak salgai jarriko dituzte.
