Arcelor Mittaleko enpresa batzordea eta zuzendaritza astelehenean bilduko dira, azkenean. Bilera Donostian izango da, zuzendaritzak nahi bezala. Atzo ziren negoziazio mahaia osatzekoak, baina zuzendaritzakoak Donostiara joan ziren eta enpresa batzordekoek lantegira. Gaur ere zuzendaritzako kideak Lan Harremanen Kontseiluak Donostian duen egoitzara joan dira eta enpresa batzordekoak lantegira. Langileak Jon Luqui Urretxuko alkatearekin eta Zumarragako hainbat zinegotzirekin joan dira eta zuzendaritza ez zegoela bertan esan diete. Enpresa batzordeak ostiralean Donostian biltzeko asmoa azaldu du eta zuzendaritzakoek, agenda arazoak direla eta, ezin dutela esan dute. Azkenean, astelehen eguerdian elkartuko dira.
