Dani Garcia, Eibar taldeko futbolari zumarragarra, herriko kaleetan kartelak jartzen aritu da gaur. Ezohiko irudia da, baina badu azalpena: ekainerako antolatu duen futbol kanpusaren promozioa egiten ari da. 6 eta 12 urte arteko haurrentzat izango da, eta Argixao zelaian egingo dituzte saioak. Zelai berezia da Garciarentzat, bertan hasi baitzuen bere futbolari ibilbidea. “Nolatan?” galdetuta, hala erantzun du Garciak berak: “Ez da ahaztu behar norbera nondik datorren”.
