Zumarragako 2 eta 1 galdu zuen atzo Oñatiren aurka, Herriarteko pilota txapelketako lehen kanporaketako joaneko partidetan. Kadete mailan Iker Goiburu eta Aitor Vegak 22 eta 2 galdu zuten, gazte mailan Hodei Mendizabalek eta Jokin Sanchezarevalok 22 eta 20 galdu zuten eta senior mailan Ander Quinak eta Beñat Ibañezek 22 eta 7 irabazi zuten. Itzulerako partidak hilaren 13an jokatuko dituzte, 19:00etan, Zumarragan. Zumarragarrek bigarren kanporaketara pasatzeko aukerak dituzte, baina horretarako gazte mailako eta senior mailako pilotariek beraien partidak ahalik eta alde handienarekin irabazten saiatu beharko dira eta kadeteek ahalik eta tanto gehien egin beharko dituzte. Izan ere, oñatiarrek, bi partida irabazteaz gain, zazpi tanto gehiago egin dituzte. Zumarragarrek bi partida irabazi eta oñatiarrek baino zortzi tanto gehiago egin beharko dituzte, beraz.
