Zumarraga Herriarteko pilota txapelketatik kanpo gelditu da. Oñatin 2 eta 1 galdu zuen eta ostiralean, Zumarragan, 2 eta 1 galdu zuen berriro. Kadeteek 22 eta 4 galdu zuten eta gazte mailakoek 22 eta 8. Seniorrek 22 eta 7 irabazi zuten. Zumarragarrek bi partida irabazi behar zituzten eta oñatiarrek baino zortzi tanto gehiago egin bigarren kanporaketara pasatzeko. Joanekoan gazte mailakoek 22 eta 20 galdu zuten eta kanporaketa pasatzeko gakoetako bat Zumarragan oñatiarrei irabaztea zen. Baina joanekoan oñatiarrek ordezko aurrelariarekin jokatu zuten eta titularrarekin are eta errazago irabazi zuten.
