Toño Fernandez da antolatzaileetako bat Dena prest dago Urretxuko Gernikako Arbola plazan artisau eran egindako garagardo feriaren bigarren edizioa irekitzeko. Plazan jarri duten karpan egingo dute feria gaur 18:30an hasi eta bihar gauera arte. Gaur goizaldera arte egongo da irekita, eta bihar, 11:00etatik 16:00etara eta 18:00etik itxi arte irekiko dute.
Hamar garagardogilek parte hartuko dute bertan, Euskal Herrikoak eta Kataluniakoak. Mala Gissona, Falken, Drunken, Marginada, Zer, Reeptilian, Espina de Ferro, Hop eta Napar Beer dira dastatu ahal izango diren garagardoetako batzuk. Janaria ere ez da faltako, eta bertan afaldu eta bazkaldu egiteko aukera izango da. Janaria Goierri garaiko produktuekin prestatuko dute, Gainera, futbolin txapelketa bat ere egingo dute.
Feria hau Urola Garaia Garagardo Artisaua taldeak antolatu du. Urretxun egin zen iaz lehen aldiz, eta oso arrakastatsua izan zen. Urte amaieran Legazpin egin zen bigarren azokak ere harrera ona izan zuen eta oraingoa hirugarrena da. Talde honen helburua artisau garagardoa ezagutzera ematea eta sustatzea da. Hori dela eta, gaur eta bihar feriara hurbiltzen direnek, dastatuko dituzten garagardoen ekoizleekin hitzegiteko aukera izango dute.
