Gure Esku Dagok gaurko herri galdeketa festa bat izatea nahi du eta herri guztietan ekitaldi asko antolatu dituzte. Urretxu eta Zumarragari dagokionez, 12:00etan dultzaineroak, erraldoiak eta buruhandiak irtengo dira Pagoetatik. 12:30ean bertsolarien eta trikitilarien saioa egongo da Eitzan. Ondoren, Areizaga-Kalebarrenera jaitsiko dira. Pagoetatik ere trikitilariak aterako dira, Areizaga-Kalebarrenera: 12:30ean. Goizeko ekitaldiekin bukatzeko, 13:00etan Traka-Traka txarangak Leturiatan joko du.
Arratsaldeko ekitaldiei dagokionez, 19:00etan batukada egongo da. 19:30ak aldera trikitilariek bozka guneetan joko dute. Kontaketa bukatzen denean, Areizaga-Kalebarrenera joango dira. 20:30ak aldera emaitzaren berri emango da eta bertsolariek abestuko dute. Buaktzeko, pintxoak eta ogitartekoak jateko aukera egongo da, bertsolariek, trikitilariek eta batukada taldeak lagunduta.
