Urolaren bi taldek Donosti Cup nazioarteko futbol txapelketa entzutetsuan parte hartu dute. Kadete mailakoek B15 kategorian parte hartu dute eta futbol eskolako bigarren urteko benjaminek B10ean. Biek bigarren fasera pasatzea lortu zuten: lehenengoak bigarren sailkatu ziren eta bigarrenak lehenengo. Kadeteek Salgueiros taldearen aurka galdu zuten final hamaseirenetan eta benjaminak, berriz, final laurdenetara heldu ziren. Guadalajararen aurka galdu zuten. Esan beharra dago Antiguoko eta Vasconia talde indartsuak ere final laurdenetan kanporatu zituztela. Bi taldeek lan ona egin dute eta onenen pare daudela erakutsi dute. Zorionak!
