Irailaren 11n Adineko Pertsonen Eguna ospatuko dute Urretxun. Besteak beste, bazkaria egingo dute. Txartelak udaletxeko gizarte zerbitzuetako bulegoan jaso behar dira irailaren 5, 6 eta 7an, 09:00etatik 14:00etara. Bazkariaz gain, hainbat ekitaldi egongo dira: 11:30ean udal korporazioak eguneko zentrora bisita egingo du eta 12:15ean adineko pertsonak eta udal korporazioa Aterpe elkartean elkartuko dira eta edadetuenak omenduko dituzte. Ondoren, Lizarriturri txistulari taldeak lagundurik, elizara joango dira. Bertan meza egongo da, Goizalde abesbatzaren parte-hartzearekin. Meza ostean, argazkia aterako dute eta Lurra taldeak dantza saioa eskainiko du. 14:15ean denek elkarrekin bazkalduko dute, Ederrena pilotalekuan. Bazkalondoan dantza lehiaketa eta animazio ekintzak izango dira.
