Astelehenean hasiko dute ikasturtea Gazte Bidean Urretxu eta Zumarragako udalen nerabeentzako zerbitzuan. Hilaren 7tik 15era Zer eskatzen diogu eta zer eskaini diezaiokegu Gazte Bidean zerbitzuari? tailerrean parte hartuko dute. Bestalde, Urretxuko jaietarako hainbat ekitaldi antolatu dituzte. Ostiral arratsaldean jolasak egongo dira eta gauean DJ saioa. Igandean, berriz, hamaiketakoa egingo dute. Iraileko ekitaldiekin bukatzeko, 23an belaunaldien arteko elkartrukea egingo dute eta 23tik 25era zinemaldia egongo da.
Gazte Bidean 12 eta 17 urte arteko gaztetxoentzako udal zerbitzua da. Asteazken, ostegun eta igandetan 16:30etik 20:00etara irekitzen da eta ostiral eta larunbatetan 16:30etik 21:00etara. Asteburuetan adinaren araberako txandak egiten dira: 12-14 urtekoak 18:30ak arte egoten dira eta ondoren 15-17 urtekoak sartzen dira.
