Urretxu-Zumarraga ikastolak 50 urte bete ditu. Hori dela eta, ikastolako ibilbidean zeresana izan dutenek (ikasle ohi, guraso, sortzaile, irakasleek…) Urretxuko jaietako pregoia irakurriko dute ostiral iluntzean. Ekitaldi berean, 50. urteurreneko abestia aurkeztuko dute. Urrezko arbola du izenburua. Musika Jon Goenagak konposatu du eta hitzak Gorka Ojangurenek jarri dizkio. Grabaketan musika eskolakoek eta ikastolako ikasle, irakasle eta gurasoek parte hartu dute.
