Areizaga plazako etxeak 50 urte bete ditu eta bizilagunak festa antolatu dute asteburu honetarako. Itziar Pildain bertsolaria Areizaga plazako bizilaguna da eta urteurrenari buruzko bertso batzuk idatzi ditu. Igandeko bazkarian bertso hauek abestuko dituzte.
Pozarren bazkaltzera elkartu gaitezen. mendi erdi ez baita erraza betetzen. Aurrerantzean ere ospatu daitezen, jarrai dezagun berdin elkar aberasten. Bost portaletan bada hamaika istori, guztiak mahai gainera ditzagun ekarri. 50 urtez jaso eta tori, bloke hontan gertatu da gauza ugari. Erreka tapatu zen kendu trenbidea, baita aparkaleku ta pasabidea. Plaza bat eraiki zen plaza dotorea, uraren ordez sortuz jende uholdea. Auzo honetan bada izan talantea, astero juntatu da talde elegantea. Ekintzak sortzeko re ze borondatea, guzti honen emaitza gaurko anbientea. Festak jarrai dezala mahaiaren ingurun, falta direnak ere oroitu ditzagun. Egun berezi hontan ozen esan daigun, horrelako auzorik ez da sortu inun.Doinua: Iparragirreren Gitarra zahartxo bat.
