Bost taldek joko dute gaur arratsaldetik gauera bitartean Urretxuko Gaztelekun. Orain, bertako Adiktos al Kaos taldea jotzen ari da eta giroa berotzen ari da jada. Ondoren, Kids of Rage (hardcore, Bartzelona), Drop! (hardcore, Arrasate), Tooth (post hardcore, Gernika) eta Night Shot (hardcore&punk, Burgos) taldeek joko dute. Aurretik, 12:00etan kontzentrazioa egin dute Areizaga-Kalebarrenen Psikosomatikos herriko taldearekin. Festa aldarrikapenez jantzi nahi izan dute. Aspaldiko eskaera ekarri dute Mutamu kolektiboko musika taldeek, hain zuzen, Urretxuko eta Zumarragako udalei musika lokalak eskatu nahi dizkiete oraingoan ere. Gaur-gaurkoz ez daukate non egin entseguak.
