Urretxu eta Zumarragako merkatarien elkarteak Azaro Morea ekimena abian jarri du. Azken asteetan Bi-Tartean elkarteko dendetan erosketak egin dituztenek 500 euroko bale baten zozketan parte hartu dute. Zozketa atzo egin zuten eta Garbiñe Montejo Aizpuru zumarragarrak irabazi du saria. Montejok Zumarragako Lorea drogerian egindako erosketa bategatik irabazi du saria. Hala, Lorea dendan jaso du txekea. Bertan, argazkia atera du, Ana Elgarresta dendariarekin, senarrarekin eta seme-alabekin. Zozketaren oinarrien arabera, gaur bertan gastatu behar ditu 500 euroak. Haurrentzako zapatak eta Gabonetarako janaria eta edaria erosiko dituela esan du.
