Urretxu eta Zumarragako Hi Exekutibo taldeak Banden Lehia lehiaketako finalean parte hartu zuen ostiralean. Herritarrek ez zuten irabaztea lortu, baina oso positiboki baloratu dute esperientzia. “Ondo pasa genuen eta jende asko ezagutu dugu. Lehiaketa honek ezagutzera ematen laguntzea espero dugu. Taldearen izena toki askotan azaldu da eta kontzertu gehiago ematea espero dugu”, esan du taldeko Sidi Elbouananik.
Lehiaketa Bilboko Zazkel taldeak irabazi zuen. “Gurea baino musika dantzagarriagoa egiten dute, diskoetxeentzat gustagarriagoa. Dena den, merezita irabazi dutela esan behar da. Oso onak dira”.
Ostiral honetan, 18:20ean, Hi Exekutibo taldeak Durangoko Azokan joko du.
