Imanol Manterola zumaiarrak irabazi du Santa Lutzi eguneko argazki rallya. Bigarren bilduma onenari dagokion saria Guillermo Murciego urretxuarrak irabazi du eta hirugarrenari dagokiona Borja Blanco legazpiarrak. Herriko bilduma onenari dagokion saria Carlos Mediavillak jasoko du. Manterolak 250 euro eramango ditu, Murciegok 200, Blancok 150 eta Mediavillak 100. Lauei garaikurrak emango dizkiete. Murciegok herriko argazki onenari dagokion Urretxu-Zumarraga Lagunkoia saria ere irabazi du. Bi-Tartean elkarteak 150 euroko erosketa balea emango dio.
Haurrei dagokienez, bilduma onena Iker Ruiz urretxuarrak aurkeztu du, bigarren onena Unai Azarola zumarragarrak eta hirugarren onena Alain Luis urretxuarrak. Urretxu-Zumarraga Lagunkoia saria Lucia Manuelek irabazi du. Sari banaketa ekitaldia ostiralean izango da, 19:00etan, Zelai Arizti kultur etxean. 25 helduk eta 15 haurrek parte hartu dute eta epaimahaia Jesus Udabe, Josu Altzelai eta Josu Perez argazkilariek osatu dute.
