Asteartean, 20:15ean, Giuseppe Verdiren Il trovatore opera emango dute Zelai Arizti aretoan, zuzenean Londreseko Royal Opera House-tik. Operaren Lagunak taldekoek gaur aurkeztu dute emanaldia.
Il trovatore-k trilogia bat osatzen du Rigoletto eta La Traviata-rekin batera. Verdik Espainia gustuko zuen eta hori hainbat operetan islatzen da. Il trovatore horietako bat da: opera hau egiteko, Antonio Garcia Gutierrez idazle andaluziarraren lana hartu zuten oinarritzat.
Istorioa XV. mendeko Zaragozan kokatua dago. Sopranoak, tenoreak eta baritonoak amodiozko triangelu bat osatzen dute. Operaren Lagunak taldekoek eszenografia eta antzezle-zerrenda azpimarratu dute.
Sarrerek 10 euro balio dute, aldez aurretik, eta egunean bertan 12 eurotan jarriko dituzte salgai.
