Hasi dira inauteriak Urretxu eta Zumarragan ere. Atzo arratsaldean dantzaldia egon zen Euskadi plazan eta rock kontzertua Areizaga-Kalebarrenen. Gaur, ekitaldi ugari egongo dira. 09:00ean Lurra taldekoek Iparragirre plazan dantza egin dute eta ondoren herri inauteria baserrietara eraman dute. 11:30ean Iparragirre Balerdi musika bandakoek kalejira egingo dute eta 12:30ean mozorrotuak Iparragirre plazan elkartuko dira. Ondoren, kalejira egingo dute dultzaineroekin eta buruhandiekin.
Arratsaldean, berriz, bi ekitaldi egongo dira. 17:30ean musika eskolakoek desfilea egingo dute. Euskadi plazatik irtengo dira eta Gernikako Arbola plazan bukatuko dute. 18:00etatik 21:00etara mozorro lehiaketa eta dantzaldia egongo dira Gernikako Arbola plazan.
Gaur arratsaldeko argazkiak ikusteko, sakatu hemen.
