La Salle-Legazpi ikastetxeko ikasleek eskulan erakusketa ireki dute gaur Zumarragako Zelai Arizti kultur etxean. Erakusketa maiatzaren 7a arte egongo da zabalik. Zelai Arizti kultur etxeko aretoa astelehenetik ostiralera 17:30etik 20:30era irekitzen dute eta larunbat eta jaiegunetan 12:00etatik 14:00etara eta 18:00etatik 20:30era.
Erakusketaren ardatza kontzientzia ekologikoa, artea, teknologia eta sormena dira. Botero, Miro edo Daliren lanen erreplikak ikus daitezke. Baita ibaiei buruz egin dituzten lanak eta antzezlan bat egiteko erabiltzen den materiala ere, besteak beste.
