Urolaren lehen taldeak denboraldi bikaina osatu du Gorengoen Mailan eta bigarren postuan sailkatu da, Bergara taldearen atzetik. Hala, Ohorezko Erregionalera igotzeko jokatuko du. Beste multzoko bigarren sailkatuaren aurka bi partida jokatuko ditu. Liga asteburu honetan amaitu da eta kanporaketa Allerruren aurka jokatuko duela jakin da. Kanporaketa honetako bi partidak datozen bi asteburuetan jokatuko dira. Lehen partida Lezon jokatuko dute, larunbat honetan 17:00etan, eta bigarrena Zumarragan.
