Joan zen astean, Urola taldeak eskubaloi festa atzeratu zuen eguraldi txarra zela eta. Festa larunbat honetan egingo dute, Zelai Arizti parkean. 2005-2009 urteen artean jaiotako haurrei zuzendua dago. 10:00etatik aurrera puzgarriak egongo dira (13:00ak arte). Ordu berean, eskubaloi txapelketako izen-ematea irekiko dute. Partidak 10 minutukoak izango dira eta taldeak bi neskek eta bi mutilek osatuko dituzte (2005ean eta 2006an jaioak). Txapelketa 10:30ean hasiko da. 11:00etan eskubaloi jolasak egongo dira adin guztikoentzat eta 13:30ean txapelketako finalak jokatuko dituzte. 14:00etan oroigarri banaketa egingo dute.
