Bilboko jaien barruan, Algara konpartsak bertso eskolen arteko desafioa antolatu du abuztuaren 24rako. Urretxu-Zumarragako, Bortzirietako eta Bilboko Pottojorran bertso eskolen artekoa izango da desafioa. Urretxu-Zumarragatik, Maialen Akizu eta Antton Fernandez joango dira.
13:00etan bertso poteoa egingo dute Bilboko txosnetan, Algara konpartsaren txosnatik hasita. Ondoren, bertso bazkaria izango dute.
Akizuk azaldu duenez, Martxoan Bertsoan Urretxu-Zumarragara etorri ziren Bortzirietako eta Bilboko bertsolariak. Orain, trukean, Bilbora joatea tokatzen zaie. Bertsotruk ekimenaren baitan egiten dituzte elkartruke hauek, bertso eskolen arteko harremana sustatzeko helburuarekin.
