Xabier Zaldua aizkolari zumarragarrak bigarren mailako finala jokatu zuen igandean. Finala Ruben Saralegi leitzarrak irabazi zuen eta Zaldua bigarren sailkatu zen. Laugarren enborra arte buruan joan zen, baina lehen oinbikoan adar bat tokatu zitzaion eta minutu bat galdu zuen.
Abenduaren 3an Arria V.-aren aurka apustua jokatuko du Azpeitian. Hamar kanaerdiko ebakiko dituzte eta hamar kilometro egingo dituzte korrikan. Bakoitzak 4.000 euro jarriko ditu jokoan.
