Bihar (larunbata) hasiko da Zumarragako pilota txapelketa herrikoia, Kirolzale enpresak antolatuta. 17 bikotek eman dute izena. 10:00etan Isaias eta Asurabarrenak Ballina eta Salaberriaren aurka jokatuko dute, 10:30ean Del Rio eta Plazaolak Aranburu eta Salegiren aurka, 11:00etan Goenaga eta Villosladak Madina anaien aurka eta 11:30ean Aizpuru IIeta Iturriotz IIk Lopez eta Goibururen aurka.
A taldean Antia-Aranburu, Baez-Etxaniz eta Oliveira-Cruz bikoteak daude, B taldean Fernandez anaiak, Babarro-Urtzelai eta Aleman-Urrate, C taldean Perez-Etxaniz, Aizpuru II-Iturriotz II eta Lopez-Goiburu, D taldean Del Rio-Plazaola, Aranburu-Salegi, Goenaga-Villoslada eta Madina anaiak eta E taldean Zufiaurre-Antzizar, Azpeitia anaiak, Isaias-Asurabarrena eta Ballina-Salaberria. Ligaxkako partidak datozen bost larunbatetan jokatuko dira, 10:00etatik aurrera, Beloki pilotalekuan. Otsailaren 17an atzeratutako partidak jokatuko dira.
