Itziar Etxaniz zumarragarrak ez du inoiz bere 18. urtebetetzea ahaztuko. Izan ere, 85 urteko bere amonak 14 orduko autobus bidaia egin zuen urtebetetze festan berarekin egon ahal izateko.
Elvira Cambil da bere amonaren izena. Andaluzian jaio zen, baina 25 urte zituenean Goierrira etorri zen. Duela 27 urte jaioterrira itzuli zen senarrarekin, baina bere ondorengo guztiak Beasain, Ordizia eta Zumarragan bizi dira. Lau seme-alaba, zortzi biloba eta lau birbiloba ditu Goierrin.
Biloba gazteenak 18. urtebetetzea ospatzeko festa bat antolatu zuela jakin zuenean, ez zuen bitan pentsatu: Granadako Almuñecar herritik Goierrira etorri zen, autobusean. Ostiral arratsaldean irten zen eta larunbat goizean iritsi. Atzo, ia atsedenik hartu gabe, itzulerako bidaia egin zuen.
Elvirak oso argi zuen bere bilobaren festan egon beharra zuela. Paco Cobos senarrari bere asmoaren berri eman zion, eta hark animatu egin zuen. «Etorri beharra nuen. Bere aitabitxia hemendik kanpo dago asteburu honetan, aita bera jaio baino lehen hil zitzaion… Senarrak etortzeko esan dit. Zorionez, ez naiz bakarrik etorri. Josefina Delgado laguna nirekin etorri naiz», esan zuen larunbat arratsaldean.
Biloba, hunkituta
Bere biloba asko hunkitu zen amona ikusi zuenean. «Ez zekien etortzeko asmoa nuenik eta oso pozik jarri da ikusi nauenean. Hunkitu egin da eta negarrez hasi da. Udan bera izan zen ezustekoa eman zidana: Almuñecarren azaldu zen, ezer esan gabe. Bakarrik etorri zen», aipatu zuen harrotasunez.
Izebak ere oso harro daude Itziarretaz. «Beti oso argi izan du zer ikasi nahi duen. Umetatik diseinua ikasi nahi duela esan du. Datorren astean Santanderrera joan behar da, bi aste barru Bartzelonara eta hurrengoan Granadara, unibertsitateak ezagutzera. Berak antolatu ditu bidaiak. Ez du laguntza behar izaten. Gainera, marrazketa, ballet, solfeo, biolin eta kantu ikasketak ditu, dantza eta antzerkia egiten ditu…», azaldu zuten Mertxe eta Elvira izebek.
Nolako egurra, halako ezpala. Bere amonak ere oso gaztetan ikasi zuen babak eltzetik ateratzen. 1957an etorri zen Goierrira, bere senarrarekin. Altzagan eta Ordizian bizi izan ziren. Oso emakume indartsua izan da beti. «Ordiziako alde zaharrean bizi ginenean, 110 eskailera igo behar nituen etxera igotzeko. Ikatz zakuak nik igotzen nituen. Senarraren motorra ere igo nuen. Ospitaletik irten berria zen eta ez nuen nahi kalera jaistea motorra konpontzera».
Senarrak erretiroa hartu zuenean Andaluziara itzuli ziren, bere gogoaren kontra. «Hemen primeran bizi izan nintzen. Ezin hobeto. Granadara itzuli nintzenean, Donostiako matrikula zuten autoen bila ibiltzen nintzen, hemengo jendearekin hitz egin ahal izateko. Nigatik balitz, negua bakarrik igaroko genuke Andaluzian».
Zorionez, seme-alabak eta bilobak sarritan joaten zaizkio bisitan. «Hala ez balitz, autobusa sarriago hartuko nuke».
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.