Igone Campos eskiatzaile eta mendiko korrikalari zumarragarrak Dynafit markaren Mountopia lehiaketa irabazi du eta Alaskara joango da. Lehiaketa honetan egitasmo bat aurkeztu behar da eta ondoren jendearen botoak lortu. Mundu osoko 500 lagun baino gehiagok parte hartu dute.
Camposen ametsa Alaskan eskiatzea da. Entrenamenduetako argazkiak sare sozialetan zabaldu zituen, jendeari botoa eskatu zion eta bere egitasmoa hamar bozkatuenen artean sartu zen. Ondoren, bigarren bozketa bat egin zuten. Camposen egitasmoa hirugarren bozkatuena izan zen, baina epaimahaiko kideek bere proiektua onena dela iritzi dute. Campos martxoa amaieran joango da Alaskara, hiru asterako. 8.000 euro eta materiala emango diote.
